اعقل انت وياه... كلنا نحب الهلال

اذهب الى الأسفل

اعقل انت وياه... كلنا نحب الهلال

مُساهمة من طرف وحيد_القصيم في 2007-10-03, 04:20

سلالالالالالام عليكم يا شباب..


تسيف الحال؟؟؟


ياخوان كلنا نحب الهلال.. ومحد يختلف على الشيء هذا ومتفقين

ليش الظلم؟
ليه تحتقرون الناس؟


ترى انا ما سجلت بالمنتدى الا مقهور.. ولاني راعي منتديات.

مقهور من خروج الهلال ومن الظلم اللي على ناس وناس

ياخي واذا راحت بطوله؟ نخسر فريقنا؟ الحين مو نفس هالفريق اللي افرحنا وجاب لنا كل بطولات موسمين كامله تقريبا بدون خساره ولا نهائي؟

البطوله بدالها بطوله...لكن الهلال ما بداله هلال.

ياخي والله ما خسرنا الا حظ....ضاغطينهم بنص ملعبهم مخنوقين...بس مافي حظ

انا ما اقول انه لاعب هو الهلال...لكن اذا كان على كلامكم نص الفريق مستهلكين....من بقي عندنا؟

ياخي المفرج خدم الهلال كذا سنه... وجاب معه بطولات كثيره...ننساه عشان غلطه والا غلطتين


والله لو يدخل الكوره بيده على بابنا ما سويتوا به كذا

ياخي الهدف حق الوحده غلطه الجميع... مهوب المفرج بس مسوينه كأنه شماعه بالفريق

الدعيع ما عرف يصدها يحلفون انه ما شاف الكوره... ياخي اسماعيل مطر بهدل الدعيع في المنتخب والمفرج مهوب بالمنتخب


وقفت هالحين يوم جاب هدف بالهلال صار ذنب المفرج؟

ياخي هذا ياسر القحطاني ضيّع بلنتي.. خلاص يعني؟ بنموت؟

ما أشوف احد جاب له سيره لا مدح ولا ذم

كل الفريق ضيع قدام الباب... نواف الشلهوب الغامدي وياسر.. يعني هذولي ما يبون يسجلون؟؟ متعمدين هم؟

حرام عليكم تسبون الرجال مشهود له بالامانه والاخلاص وحب الهلال. انا ما اعرفه بشكل شخصي لكني اعرف انه يغار على الهلال ويخلص له. حتى وهو مصاب يكابر عشان الهلال محتاجه.

بسألكم بالله عليكم .. مين بيغطي خانته عندنا؟ كلهم شباب ماعندهم خبره... ياخي فيه ناس اول مره نسمع عنهم... الوحيد اللي خبره بالدفاع المفرج.

انا بسألكم..انتم ما تتابعون كل مباريات الهلال؟ شفتوا مباريات الموسم الماضي؟ طول الموسم المفرج ناشب بحلوق المهاجمين. بس بالنهائي غلط. ياخي ماله حظ.. هو ما سواها متعمد عشان تسبونه



اللي كاتب مفحج واللي كاتب متفرج وتبا لك.. عيب عليكم يا اخوان

تحطم نفسيا اعتزل... ما نذكره بالخير؟

والله لا هو ولا الخثران ولا إلياس بقليل...كلهم لاعبين ونعم

انا ابفهم الحين.. نواف صار مستهلك؟ ياخي ما تشوفون مستواه يتطور من مباراه لمباراه؟

ترى اللاعب هذا جاي من اصابه طويله بغت تخليه يعتزل.

انا استغرب من الي يقول نواف يهدي اللعب في الهجمه المرتده متعمد. ياخي انت معه بالملعب؟ تعرف وش الي حاصل هناك؟ ما تدري وش في باله. يمكن هو يشوف شي انت ماتشوفه. كل واحد يشوف من الزاويه اللي تخصه بس الللاعب بالملعب يشوف الوضع من كل الزوايا.

الحديث يطول وانا بس بخاطري اقول هالكلمات تراكم ظالمين المفرج بزياده. والله لو يخطي الشلهوب والا ياسر والا نواف انه محد يحكي.. بس المفرج والا الخثران او عزيز مظلومين لانهم بالدفاع

والسلام عليكم
avatar
وحيد_القصيم

عدد الرسائل : 1
تاريخ التسجيل : 03/10/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اعقل انت وياه... كلنا نحب الهلال

مُساهمة من طرف EXIT 17 في 2007-10-03, 11:56

هلا اخوي

و حياك الله بالمنتدى

من ناحية المفرج فهو نكبة و اغلبية جمهور الهلال عارفه هالشيء

لكن الدعوى كلها ان الجمهور ما يبغاه

ما ننكر انه حقق معنا كم بطولة

لكن ما احد ينسى اخطاءه القاتله في مباراة الشباب عام 1418 في نهائي الدوري

و صبرنا عليه طول هالفتره

لكن للصبر آخر خلاص عافاك الخاطر يا مفرج
avatar
EXIT 17
مدير الموقع
مدير الموقع

عدد الرسائل : 36
البلد : الرياض
تاريخ التسجيل : 28/09/2007

معاينة صفحة البيانات الشخصي للعضو http://exit17.0forum.biz

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى